Номын хэсгээс

"Би хэрхэн ажилладаг вэ?" ном албан ёсоор худалдаанд гарлаа

11 сарын 19, 2016


НИЙТЭЛСЭН:

Zack Batsaikhan
@batzaya


24564   8




Unread.today вэбсайт 2015 оны 9 сарын 23-ны өдрийн лхагва гарагт “Би хэрхэн ажилладаг вэ?” ярилцлагаараа уншигчдын хаалгыг анх тогшиж байлаа. Түүнээс хойш жил гаруй хугацаанд уг цуврал маань манай хамгийн их уншигчтай булан байсан төдийгүй Монголын цахим ертөнц дэх хүмүүсийн хүсэн хүлээдэг контентуудын нэг болж чадсан юм. Бид энэ хугацаанд ажил үйлсээрээ манлайлагч, шинийг санаачлагч, эргэн тойрондоо эерэг өөрчлөлтийг түгээгч хүмүүсийн ажлын арга барил, дадал хэвшлийг долоо хоног бүр танилцуулах гэж ихээхэн хүчин чармайлт гаргаж ирлээ. 

Үүний үр дүнд манай редакц руу имэйл, нийгмийн сүлжээ, нийтлэлийн сэтгэгдлээр дамжуулан олон олон уншигч эдгээр ярилцлагууд өөрсдийг нь хэрхэн эергээр өөрчилж байгаа тухай, ямар их урам зориг авч байгаа талаар байнга бичиж ирүүлдэг болсонд бид урамшиж, илүү сайн контент бүтээх эрч хүчийг авдаг болсон юм. Тийм ч учраас бид ярилцлагуудаа илүү олон хүнд хүргэх, сайтаас хэдийнэ уншсан хүмүүсийн ширээний ном болгох зорилгоор эхний 23 зочныхоо ярилцлагыг эмхэтгэн энэхүү номыг бүтээлээ.

Худалдаалах цэг

Интерном номын дэлгүүр: 39,900 төгрөг

Хямдралтай цэгүүд

Unread (ITPark 203 тоот): 30,000 төгрөг
Batu Digital (Тэнгис Кино театрын ард 22 байр 2 тоот): 30,000 төгрөг

Онлайн захиалга

Тун удахгүй

Бүтээхдээ зүгээр ч нэг ярилцлагуудаа хуулаад тавьчихсангүй, зочдоосоо нэмэлт хоёр асуултад хариу авч, “20 настай өөртөө өгөх зөвлөгөө”-г нь гар бичмэлээр оруулсны зэрэгцээ тэднийг сайн мэдэх хүмүүсийн бичсэн бэсрэг оршлыг багтаав. Хүн болгон өөрийн гэсэн ажлын арга барил, амьдралын хэв маягтай байдаг. Энэ номноос та төрөл бүрийн орчин нөхцөлөөс өөрийгөө бүтээсэн хүмүүсийн намтар түүх, олон янзын мэргэжлийн онцлог, ялгаатай үзэл бодлууд, ондоо арга барилуудыг харьцуулан уншиж, өөрт тохирох сургамж зөвлөгөөнүүдийг, мөрдлөг болгууштай үг өгүүлбэрүүдийг олж шүүрдэнэ гэдэгт бид эргэлзэхгүй байна.

Үнэт цагаа зарцуулан ярилцлага өгсөн зочид, энэ номыг бүтээхэд гүн туслалцаа үзүүлж зочдын маань талаар бэсрэг оршил бичиж өгсөн хүмүүс, байнга бидэнтэй цуг байдаг үнэнч уншигч та бүхэндээ баярлалаа.

Хавтасны дизайнд M.C. Escher-ийн “Ascending and Descending” бүтээлийг ашиглав.

Эрхлэн гаргасан: Анрид ХХК
Ярилцлага авсан: Амарсайханы Ундрал, Долингорын Ганзориг, Батсайханы Батзаяа
Ерөнхий редактор: Долингорын Ганзориг
Арт директор: Батсайханы Батзаяа
Гэрэл зураг: Батсайханы Батзаяа, Долингорын Ганзул
Дизайнер: Саруулын Намуунаа

Хариу бичих

Та 100-с доошгүй тэмдэгт ашиглан санал сэтгэгдлээ бүтээлчээр үлдээгээрэй. Хамтдаа сэтгэгдэл бичих соёлыг Монголд бий болгоцгооё.