Өнөөгийн стресс, бухимдал ихтэй нийгэмд хүмүүст оюун санаа, бие махбодио амраах газрууд чухал болоод байгаа билээ. Тэгвэл амрааж тайвшруулахаар барахгүй анагаан сувилах ач тустай Lotus Yoga төвийг бид энэ удаа онцоллоо. Иогийн Виняса буюу хөдөлгөөнийг амьсгалын дасгалтай холбосон урсгалаар дагнан сургалт явуулдаг уг төвийн гүйцэтгэх захирал Ө.Хулантай ярилцсанаа толилуулж байна.
Бизнесийн нэр: Lotus Yoga
Хаяг: Циркийн зүүн урд, Garuda төвийн 3 давхар
Үйл ажиллагааны чиглэл: Иогийн сургалт, иогийн багш бэлтгэх сургалт
Үүсгэн байгуулагдсан хугацаа: 2014 оны 9-р сар
Үүсгэн байгуулагчид: Э.Цацрал, Ц.Борхүү, А.Болортуяа
Ажилтны тоо: 15
Цагийн хуваарь: Эхний сургалт 06.30 цагаас, сүүлийн хичээл 19.30 цагаас
Вэб: www.lotusyoga.mn, Lotus Yoga (фэйсбүүк)
Бизнесийн санаагаа анх хаанаас олсон бэ?
Үүсгэн байгуулагч А.Болортуяа АНУ-д Иогоор мэргэшин төгсөөд, өөрийн гэсэн сургалтын төвийг нээн ажиллуулж байсан. 2014 онд эх орондоо ирээд иогийн гайхамшиг, түүний ач тусыг түгээн дэлгэрүүлэхээр санаа шулуудаж бусад үүсгэн байгуулагчидтайгаа энэ бизнесийг эхлүүлсэн.
Анхны хөрөнгө оруулалтаа хэрхэн шийдсэн бэ?
Үүсгэн байгуулагчид маань хувийн хуримтлалаа нийлүүлэн хөрөнгө оруулалтын асуудлаа шийдсэн.
Хамтрагчдаа хэрхэн сонгосон бэ?
Миний хувьд Цацрал, Борхүү хоёртой эрүүл мэндийн салбарт хамт ажиллаж байсан найзууд. Надад хамтран ажиллах санал тавьсны дагуу энэ оны эхнээс хамтран ажиллаж байна.
Танайх ямар онцлог, давуу талуудтай вэ?
Бүх насныханд зориулсан сургалттай гэж хэлж болно. Учир нь 6 настнуудын ангиас ахмадын анги хүртэл өргөн хүрээг хамардаг. Мөн дээр нь галбиржуулан тураах, жирэмсний, насанд хүрэгчдийн, өсвөр үеийнхэний гэх мэт тухайн хүмүүсийн нас болон бие организмийн онцлогт тааруулсан сургалтууд ордог. Сургалт нь анхан, ахисан анхан, дунд шат гэх зэрэг дарааллаар үе шаттайгаар явагддаг.
Манай төвийн галбиржуулан тураах +Pilates-ийн анги маань өндгөвчийн үйл ажиллагааг идэвхжүүлэх, хэвлий, өгзөг, гуя, бага аарцагийн буюу үтрээний булчин чангалах дасгал нэмэлтээр ордог нь төрсөн болон илүүдэл жинтэй хүмүүст тохиромжтой. Иог нь өөрөө дэлхийд түгээмэл учраас Монголд ажиллаж амьдарч буй гадаадын иргэдэд зориулсан англи хэл дээрх иогийн анги ч бас бий.
Болортуяа багш маань АНУ-д иогийн багшийн сургуулийг төгсөж, олон жил ажиллаж мэргэшсэн туршлагатай. Тийм учраас иогийн сургалтаас гадна багш бэлтгэх сургалт явуулж олон багш нарыг бэлдэж байна. Мөн манай багш нар Энэтхэгт мэргэжил дээшлүүлэх сургалтанд хамрагдаж байгаа.
Бизнесийн алсын хараагаа хэрхэн, юу гэж тодорхойлсон бэ?
Дунд хугацаандаа дүүрэг бүрт салбараа нээж, үйлчлүүлэгч нартаа илүү ойртох зорилт тавьсан. Урт хугацаандаа бол хөдөө орон нутагт салбаруудаа нээж, нийт монголчуудаа эрүүл саруул аж төрөхөд хувь нэмрээ оруулах зорилготой. Мөн иогийн дасгал хичээлийг онлайн байдлаар хүн бүрт тохирсон хэлбэрээр нь түгээх боломжийг бүрдүүлэх болно.
Бизнесийн үнэт зүйлс, баримталдаг зарчим тань юу вэ?
Манайд олон шалтгаанаар хүмүүс ирдэг. Хөдөлгөөний дутагдалд орсон, архаг хууч өвчинтэй, таргалалт, астматай, эсвэл зүгээр л эрүүл мэнддээ анхаарч явж байгаа гэх мэт. Тэгэхээр хүмүүсийнхээ онцлогт нь тааруулан тэдэнтэй тулж ажиллаж, сэтгэл ханамжтай байлгахыг зорьдог. Хичээлийг хүртээмжтэй байлгахын тулд нэг ангид хамгийн ихдээ 12 хүн хамрагддаг.
Энэ бизнесийг эрхлэхийн эерэг сайн ба хэцүү бэрхшээлтэй талууд?
Манайд хичээллэж буй хүмүүс биед нь гарч буй эерэг өөрчлөлтүүдийн тухай бидэнтэй хуваалцаж, талархлаа илэрхийлдэг нь бидэнд маш их урам өгдөг. Сүүлийн үед хүмүүс иогийг сонирхож, түүний ач холбогдлыг илүү ойлгож эхэлж байна. Жишээ нь, жирэмсний иогоор хичээллэснээр элбэг тохиолддог тонусыг 100 хувь арилгаж, жирэмсний хямралуудыг давахад тусалж, хэвлий дэх хүүхдийг хангалттай хүчилтөрөгчөөр хангаж, зөв амьсгал аван хүндрэлгүй төрөхөд тусалдаг учраас охид бүсгүйчүүд их явах болсон.
Мөн эцэг эхчүүд манай 6-12 насны хүүхдийн ангид гар утас, тв, компьютерээс үүдэх хөдөлгөөний дутагдлаас сэргийлж хүүхдүүдээ сургалтанд хамруулж байна. Иогд явснаар хүүхдийн анхаарал төвлөрөлт нэмэгдэх, дархлаа сайжрах зэрэг олон давуу талтай.
Бэрхшээлтэй тал гэвэл манай Монголчууд эрүүл мэндийн боловсрол хангалтгүй, эмийн зохисгүй хэрэглээ өндөр, таргалалт, буруу хооллолт зэргээс үүдсэн өвчин эмгэг ихтэй байгаа нь анзаарагддаг. Эмийн бус эмчилгээний ач тусыг төдийлэн сайн мэддэггүй.
Учирч байсан хамгийн том бэрхшээл, сургамжаасаа хуваалцана уу?
Одоогоор том бэрхшээл гээд байх юм байхгүй. Ер нь иог өөрөө эрүүл, эерэг салбар шүү дээ.
Одоо та бүхэн юун дээр төвлөрөн ажиллаж байгаа вэ?
Шинэ ангиуд нээж байгаа. Жишээ нь, ажлын өдрүүдэд завгүй байдаг хүмүүст зориулан “Амралтын өдрийн анги” нээсэн. Сургалтанд явах боломж, цаг завгүй хүмүүст зориулан видео хичээлүүдийг бэлтгэж байна. Мөн шинэ он гармагц Хан-Уул дүүрэгт иог, баллет, төгөлдөр хуурын сургалтуудтай хосолсон төв нээхээр ажиллаж байна.
Танайд хичээллээд зорилгодоо хүрсэн хүмүүсийн жишээнээс хуваалцахгүй юу?
Манай төвд тууштай явж байгаа хүмүүст эерэг өөрчлөлт зайлшгүй мэдрэгддэг болохоор тэд сэтгэл өндөр байдаг. Суудлын ажилтайгаас болоод нуруу нь өвддөг хүмүүс энэ зовиураасаа салдаг. Мөн жирэмсэлж чадахгүй байсан эмэгтэйчүүд иогоор хичээллээд жирэмсэлсэн тохиолдол 4-5 гарсан шүү. Ахмад хүмүүсийн хувьд үе мөчний өвчин намдаж, даралт тогтворжиж, нойргүйдэл арилдаг. Манай сургалтын нэг гол онцлог бол амьсгалаар дамжуулан энерги өгөх. Зөв амьсгалахын ач тусыг хүмүүс сайн мэддэггүй тал бий.
Иогийг сонирхож байгаа болон одоо хичээллэж байгаа хүмүүст юу гэж зөвлөх вэ?
Хичээллэж эхэлбэл тууштай явах хэрэгтэй. Тэгж байж эерэг үр дүнгүүд гарна. Ингэснээр хэлж ирдэггүй, хийсэж ирдэг янз бүрийн өвчнөөс сэргийлэх бүрэн боломжтой. Манайхыг нээгдсэнээс хойш тасралтгүй явж байгаа хүмүүс бий. Тэдний хувьд иог амьдралынх нь нэг хэсэг болчихдог юм.
Зарим хүмүүс би сунгалтгүй юм чинь иог хийж чадахгүй гэж боддог, гэтэл иог чинь өөрөө сунгалтгүй хүнийг сунгалттай, уян хатан болгодог юм шүү дээ. Иогоор хичээллэхээр оюун санаа төвлөрч, илүү мэдрэмжтэй болдог.
Мөн нэг хэлэхийг хүсдэг зүйл бол, эрэгтэй хүмүүс иогийг эмэгтэйлэг зүйл гэж бодоод байдаг. Эрэгтэй эмэгтэй хүмүүс бие организмд адилхан нөлөөтэй болохоор энэ далимд эрэгтэйчүүдийг иогоор хичээллээрэй гэж урьж байна.
З Зочин 2016.03.11
Иогийг хүн бүр сонирхдог гэхдээ багшаа зөв сонгож чаддаггүй гэж онцолж хэлмээр байна. Иог бол хүний хүсэл шуналыг дарж, сэтгэлийн амар амгалан, бие мах бодийг эрүүлжүүлэх увидастай болохоос хэн нэг иог хийж сурсан хүний бизнес хийх арга хэрэгсэл биш гэж бодож байна. Лотус иогийн төв миний бодлоор зөв маркетинг менежменттэй багш нар нь харилцаа сайтай гэж дүгнэсэн.
з зочин 2015.11.25
Үүсгэн байгуулагчдаас ярилцлага авч байсан бол хамтрагчдаа хэрхэн сонгосон бэ гэдэг талаар асуугаад, хариулт нь уншигчдад шинэ бизнес эрхлэх, санаа авахад тус дөхөм болох байсан гэж хэлэх гэсэн юм. Хариултын хувьд Хулан хамтрагчдаа сонгоогүй, Хуланг сонгосон байна. Сайхан инээмсэглэдэг хүүхэн байна.
з зочин 2015.11.25
Дажгүй бизнес байна. Гадаадад сурсан мэдсэн зүйлээрээ эх орондоо ирж бизнес эхлүүлэх чинь сайн хэрэг шүү. Үүсгэн байгуулагчид, тухайн бизнесийн санаа, агуулгын тухай бичиж байгаа үед шинэхэн гүйцэтгэх захирлаас хамтрагчдаа хэрхэн сонгосон бэ гэдэг талаар асуусан, бас хариулсан нь нийлэмжгүй санагдлаа.
З Зочин 2015.11.25
Би жирэмсэний Иога т нь явж байгаад төрсөн. Иога т заасан зүйлс ч төрхөд их хэрэг болсон шүү! Болороо багшийн маань зургийг оруулсан бол гоё байх байж дээ. !
З Зочин 2015.11.24
Гоё газар байна. . . Таалагдлаа Энэ багш нь их алдартай юмаа даа Зураг хөрөг нь байна уу. Энэ ярилцлага өгсөн мяраалаг хүүхэн байна.
С Соёлоо 2015.11.24
Үнэхээр гоё орчинтой, сайн багш нартай газар шүү! Багш нарых нь зургыг оруулсан бол гоё байх байжээ, эсвэл хичээлийн үеийн зураг ч юм уу.
H Haliunaa 2015.11.24
Boloroo bagshiin page ch yumuu fb bdguimuu, bval heleed uguurei humuusee, lotus yoga-niih n fb deer yamarch tag bhgui blee,
З Зочин 2015.11.24
Болортуяа багшийн зургийг яагаад оруулаагүй юм бээ? Монголд бол хамгийн шилдэг багш нь шүү!! Би жирэмсэний иог т нь явж байсан, үнэхээр таалагдсан, үнэхээл мэргэжлийн багш. Нэмж хэлэхэд үнэхээр сэтгэлээсээ зааж байсан.
h haliunaa 2015.11.24
orchin, uilchilgee uneheer sain gazar, Hamgiin chuhal n bagsh shuu dee humuusee, Bolortuya bagshiin tuhai yariad bna. Ene huuhnii orond bagsh naraas, uusgen baiguulagchdaas yariltslaga avsan bol goy bh bsan bh, Udaagui hun bolohoor yurunhii yum hariulsan bna
Г Ганбат 2015.11.24
Эдний Болортуяа багш үнэхээр мундаг шүү. Зургийг нь оруулсан бол уул нь гоё байхгүй юу. Лотус яах аргагүй хамгийн сайн иогийн төв, одоогоор лав.
З Зочин 2015.11.23
Ямар гоё орчинтой юм бэ? Гоё эерэг уур амьсгал шууд мэдрэгдэж байна. Сүүлийн үед иог их сонирхолтой санагдаж байсан энэ хүслийг маань улам их бадраалаа.