Evernote-ийг тун идтэй цахим тэмдэглэлийн дэвтэр, цахим санах ой гэж хэлж болно. Хэрвээ та компьютер дээр олон цагийг өнгөрүүлдэг бол, эсвэл ухаалаг гар утастай бол Evernote дээр бодсон санасан, үзсэн дуулсан, хийхээр төлөвлөсөн бүхий л зүйлсээ марталгүй нэг дор тэмдэглээд явах боломжтой. Evernote бол компьютерийн програм ч мөн, гар утасны апп ч мөн. Ингээд таны хамгийн сайн цахим туслах болох өндөр магадлалтай Evernote-ийг тоймлон танилцуулж байна.
Яагаад хэрэглэх хэрэгтэй вэ?
Хүн ямар ч мэргэжилтэй, ямар ч ажил эрхэлдэг байлаа гэсэн ямар нэг тэмдэглэлийн дэвтэртэй байдаг шүү дээ. Тэгэхээр Evernote бол ямар ч төрлийн хүнд хэрэгтэй "зэвсэг" юм. Дээр нь өдөр тутмын хийх жагсаалтаа тэмдэглэхээс эхлээд хурлын тэмдэглэл, эссэний санаа, сайтууд дээрх өөрийн нууц үгүүд гээд юуг ч энд тэмдэглэж болно. Evernote-ийг ашиглаж эхэлбэл эмх цэгцтэй, зохион байгуулалт сайтай болно гэдэгтээ та эргэлзэх хэрэггүй.
Ямар онцлог, давуу талуудтай вэ?
-Тэмдэглэлдээ фото зураг аваад оруулж болно.
-Тэмдэглэл дотроо жагсаалт үүсгэхэд хялбар. Жишээ нь хийх ажлын жагсаалт гаргаад, тус бүрийнх нь урд талын дөрвөлжинг “хийсэн” гэж чагтлаад явахад урамтай байдаг.
-Дуу хураагуурыг нь ажиллуулж аудио файл хадгалж болно.
-Гар утсан дээрээ зураг зурах буюу өөрийн гараар бичиж болно.
-Тэмдэглэл дотроо сануулах сэрүүлэг тавьж болдог. Тухайн тэмдэглэлийг эргэн харах цаг болоход гар утас, компьютерт тань notification ирнэ.
-Тэмдэглэлүүдээ түлхүүр үгээр (tags) ангилан хадгалах боломжтой
-Тэмдэглэлээ share-лж, бусдад харуулж болно.
-Хайлт нь хүчирхэг. Тэмдэглүүд болон дотор нь хавсаргасан төрөл бүрийн өргөтгөлтэй файлуудаас хайлт хийдэг.
-Evernote-тэй найзууд, ажлынхантайгаа чаталж болно.
-Олон гуравдагч аппуудтай нэгдэж ажилладаг.
-Гар утас, компьютер, таблет зэрэг бүх л төхөөрөмж дээр ажилладаг. Evernote-дөө та хаана ч, хэзээ ч нэвтрэх боломжтой.
-Хэрэглэхэд хялбар, ойлгомжтой.
Миний хувьд компьютер дээрээ апп байдлаар суулгасны дараа Microsoft Word-ийг ашиглах нь эрс багассан шүү. Яагаад гэвэл текстийг янзлах гол гол функцууд нь бүгд байдаг. Интернэттэй л байвал дээр нь бичсэн зүйлс автоматаар хадгалагддаг. Интернэтгүй үед оруулсан тэмдэглэлүүд ч компьютерээ унтраахгүй л бол интернэтэд холбогдмогц хадгалагдаад явдаг.
Ямар сул талтай вэ?
Сул тал гэчихээр зүйл үнэхээр байхгүй шахам. Миний хувьд үнэгүй хувилбар нь хангалттай сайн. Мэдээж жилийн 24.99, 49.99 долларын багцуудыг нь авбал бүр л хязгааргүй, гайхалтай боломжуудаар хангагдах болно. Нэг жишээ хэлэхэд, та төлбөртэй хувилбарыг сонгосон бол тэмдэглэлээ шууд презентац болгон харуулах боломжтой байдаг.
Unread-ийн үнэлгээ
Орчин цагийн олон зүйлд сатаарсан ярвигтай амьдралыг хялбарчилж чадах Evernote-д бид 9 оноо өглөө.
A Anu 2017.11.30 37.154.190.167
Evernote, google keep гээд бүгд давуу талтай. Гэхдээ OneNote энэ 2ыг 2ууланг нь нэгтгэсэн гэж болно. Ашиглахад хялбар, олон section той, эмх цэгцтэй. Evernote ээс давуу тал нь гэвэл та хэдэн ч төхөөрөмжиндөө үнэгүй татан хэрэглэж болно. Evernote ыг 3 аас дээш төхөөрөмжинд 1 хаягаар хэрэглэх болвол төлбөр төлөх шаардлага гардаг.
D Dolguun 2016.05.20 59.153.115.240
Evernoteiig yaj tultal ni ashigladag bolohu? Ene tal deer iluu delgerengui zuwluguu uguuch..........
b bbtogtokh 2016.05.17 150.129.142.88
Ялангуяа дуу хураах боломж мөн шинэ камер нь маш сайн болсон. Evernote-ийн камерыг ашиглан бичиг баримт, нэрийн хуудас зэргийг scan-двал автоматаар таниж хуулж авах ба хамгийн сүүлийн хувилбар дээрээ автоматаар crop-лох боломжтой болсон (Camscanner, Google Drive, Office Lens дээр заавал гараар нэмж тохируулдаг). Хэрвээ 50МБ багтаамж дүүрвэл авсан зургаа утсан дээрээ JPEG файлаар хадгалж өөр газар хадгалж болно. Миний хувьд сүүлийн шинэчлэлийнх нь дараа Camscanner, Voice Recorder зэрэг аппуудаа устгаж Google Keep-ийг бараг хэрэглэхээ больсон. Харин миний бодлоор компьютер дээрх хувилбар нь OneNote-өөс арай дутмаг.
T Temuujin 2016.05.17 202.21.96.158
Evernote best gdg ni unen. Gehdee Google Keep bas ih goyshd. Chrome deer add-ins nemelteer suuchihna. Yamar ch yumiig shuud hadgalaad yawj bolno. Com utas 2 chin shuud holbogdood bichsen yum chin update hiigeed yawna. Google Keep-iin talaar oruulval sain bna. Android-toi ihenh humuus medehgyi dee. Bi l gehed sayahanaas l ashiglaj amtand ni orj bna